Abeltzaintza-kooperatiba bat gara, esnearen bilketaz, transformazioaz, biltegiratzeaz eta garraiatzeaz arduratzen gara.Hirurehun ustiapen baino gehiago ditugu Euskadin, Nafarroan, Burgosen eta Errioxan.

Horrek ahalbidetzen digu gure lurraldean lehen sektorea mantentzea, lana sortzea eta modu iraunkorrean ingurune naturala babestea.

Esnea, elikagai osasuntsu
eta naturala

Gure kooperatiba 50. hamarkadan sortu zen, baina gure lana mende batzuk lehenago oinordetzan hartutako eginkizun bat da, eta gure lurraldeko jarduera nagusienetako bat bizirik mantentzen du.

Zelai berdeak, mendiak eta behiak dira gure nortasuna, eta egunero jezten dugun esneak gure familiak elikatzeko balio izan du belaunaldiz belaunaldi.